- 513 -

1419. Sept. 4. Breslau.

Den erbern vnd weisen . . richter vnd statscheppen zu Legnicz vnsern lieben frunden tun wir . . ratmanne zu Breslaw zu wissen, bekennende offenlich, das vor vns in siczendem rate gestanden ist Thomas Dugrat von Colin vnd hat beuolen vnd mechtig gemachet Caspar Hoberg diesen czeiger, zu fordern vnd zuempfohn zwey stücke silbers, die her vff Daniel Heydehan vnsern miteburger zu euch in ewer statgerichte mit dem rechten vorsprochen vnd gesperret hat vnd die sachen von wegen der vorsperrunge vff dieselben czwey stücke silbers zutreiben vnd mit dem rechten zu volfurn mecticlich dobey zutun vnd zulossen von seyner wegen vff gewyn vnd vff vorlust gleicherweise als ap her selbir zu kegenwortig were. Geben des montagis von vnsir frawen tage natiuitatis anno domini M°CCCC°XIXno.

Orig. Kgl. Bibl. z. Berl. Ms. Boruss. f. 568. No. 11, mit unten aufgepresstem Siegel.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866